فى المشمش

 فى المشمش 

كتبت / داليا فوزى

بكره 

يرجع حب الناس ونعيش فى إخلاص وهيبقى علمى أقوى سلاح 

بكره الشغل يبقى كتير و لا أمد ايدى لحد 

بكره يرجع الهدوء والطمأنينة وراحة البال والرزق مال وعيال

بكره يبقى فيه أخلاق وإنسانية  وراحه لكل البشريه

بكره جيرانى يرجعوا تانى اخوات وأصحاب 

بكره نحب الخير للناس

بكره نرجع تانى ناكل مع بعض ونبقى نصون العيش والملح

ونبطل نتكلم على بعض

بكره حياتى تبقى بسيطة لا فيها سوشيال والا ميديا

والقعده الحلوه تجمعنا

بكره اعمل كحك العين ويلف طبقي كل بيت ويرجع مليان وسمومة تغنى ياليلة العيد 

بكره الاهل يبقوا الضهر والأبناء يبقوا السند 

بكره نخاف من العيب والحرام

واخاف أمد ايدى لرشوه بكره عينى تبقي مليانه اكل اللقمة بعرق جبينى 

بكره مش هاكل حقوق الناس والا اقبل اكل ميراث من امى واختى واخويا واهلى 

بكره الكلمه تبقى سيف خرجت منى سلاح لرقبتى 

بكره اساعد المحتاج واعطف على الصغير واوقر الكبير 

بكره ترجع ابله نظيره وتحكيلنا 

حكاوي جميلة .

بكره الفن يرجع تانى ام كلثوم وعبد الوهاب وفريد 

بكره هيبقى فيه تهذيب والا اعاكس بنات الناس يمكن فيهم امى واختى 

بكره سلام الايد فى الايد يبقى حديد ويبقى سلام وسلام من الايد .

بكره اخاف من بكره وأعمل حسابى هاموت بكره

بكره احافظ على بيتى ونبقى زوجين فيهم رحمه وعيالى يبقوا تاج راسى وزوج متصان وزوجه حنان أزواج بينهم موده ورحمة 

بكره ابوس ايدين والدى ووالدتى واجلس تحت أقدامهم 

بكره لما حد يموت نوطى الصوت وندعيله بالرحمه 

بكره الخير هيزيد ونعيش فى امان ويرجع الحب والود والرحمه .

Galaxy News Live

جريدة وصحيفة إخبارية إلكترونية يومية

فيسبوك

تويتر

انستغرام

شارك هذا المنشور

اشترك في بريدنا الالكتروني لتتوصل باشعار فور نشر أخبار جديدة

مواضيع ذات صلة

• 
  سر السعادة
• 
  اميرتي أنا من تكوني أنتِ..
• 
  قصيدة اتغيرت
• 
  ماذا لو انطفأ الشغف؟
• 
  "دينا جمال بنت فاقوس "
• 
  هل تؤمن برسائل الله لك؟! كتبت /شيرين كمال