الهبيدة
الهبيدة
- مين فاتن أمل حربى؟!
- رئدة اعمال مصريه أثبتت أن صغر السن ليس عائقًا بفضل اجتهادها ونجاحها المستمر استطاعت إنشاء أكاديمية SD لتعليم الفاشون والباترون والخياطة في مصر وتونس
- احتفال المؤسسة الروتارية بيوم شلل الاطفال باركان بلازا ٦ أكتوبر
- «بن عبد المعبود» يضرب المثل ويقدم مبادرة لعدم زيادة أسعاره منتجاته
- احتفلت الإعلامية الجميلة خلود القاضي
كتبت _ مريم يعقوب
هستأذن سيادتك ف خمس دقايق نفهم سوا المهزلة بتبتدى دايما منين
فرشة أسنان ومعجون أسنان مخلوط بمعدن الدهب عيار ٢٤ تمنهم بتاع ١٢٠ دولار وده على حسب أقوال البعض اثارت جدل كبير على السوشيال ميديا اليوم
وده حصل لما فنان الشارع والشعب محمد رمضان ظهر صباح اليوم فى لفته جميلة انسانية كعادته وزى ماعودنا دايما هذا الفنان العالمى صاحب الباع الطويل والخبره العبقرية والموهبة الفنية المتفردة من نوعها انه يبهرنا بتصرف اد ايه بيوضح طيبة قلبه وحبه للخير والتواضع الجم وانه نموذج يحتذى به للشباب والجمهور وهنا قرر يوصل رسالة لجمهوره ومحبيه وينزل لينا بصور من معجون أسنانه وفرشته وكتب عليهم انه معجون دهب عيار ٢٤ حيث هلل الجمهور العريق من محبى الشاب المعجزة فوراااا واشاروا لحسن اخلاقه وشعوره المرهف بالغلابة والفقراء والمساكين وليست تلك هى اللفته الانسانية الأولى منه بل على العكس فجمهور فرعون مصر (مو رمضان) متعود داااايما وفالاخر بيتشال عالاكتاف وسط الازدحام الشديد نظرا لشدة حب الشعب ليه
نقف هنا ونبدأ نتكلم جد
نفترض انه بيعمل شو علشان يركب التريند او دعايا جاتله هدية
نفترض انه قاصد شخص ما معين بيضايقه او بيغيظه
نفترض انه ليه مدير اعمال خارق الذكاء بيحبب الناس فيه اكتر ف بيقترح عليه ينزل الكوارث دى
انما تظل كل دى افتراضات وتكهنات وتفسيرات
لكن الشيىء اللى حقيقى وسط كل الهراء ده هو اننا نستاهل اللى بيتعمل واننا السبب لاننا سمحنا للهيافة والتفاهة تكون نمبر وان وسمحنا للنقص والاسفاف والتعالى والبارانويا يكون نمبر وان وكل ما هنطبل ونهلل ونصقف كل لما جنون العظمة يزيد علينا اكتر
يبقى منزعلش لما نمبر وان بيعرف ازاى يصنع تريند على حساب مشاعر الناس واستفزازهم بالغنى والفلوس وكثرة الأموال والرفاهية المبالغ فيها لاننا احنا اللى صنعنا بنفسنا كل ده
ونسينا ان ربنا سبحانه وتعالى حكى لينا فى كتابه الكريم بسورة القصص عن قارون اللى جحد بنعم الله سبحانه وتعالى
بسم الله الرحمن الرحيم
إِنَّ قَارُونَ كَانَ مِنْ قَوْمِ مُوسَى فَبَغَى عَلَيْهِمْ وَآتَيْنَاهُ مِنَ الْكُنُوزِ مَا إِنَّ مَفَاتِحَهُ لَتَنُوءُ بِالْعُصْبَةِ أُولِي الْقُوَّةِ إِذْ قَالَ لَهُ قَوْمُهُ لَا تَفْرَحْ إِنَّ اللَّهَ لَا يُحِبُّ الْفَرِحِينَ (76) وَابْتَغِ فِيمَا آتَاكَ اللَّهُ الدَّارَ الْآخِرَةَ وَلَا تَنْسَ نَصِيبَكَ مِنَ الدُّنْيَا وَأَحْسِنْ كَمَا أَحْسَنَ اللَّهُ إِلَيْكَ وَلَا تَبْغِ الْفَسَادَ فِي الْأَرْضِ إِنَّ اللَّهَ لَا يُحِبُّ الْمُفْسِدِينَ
صدق الله العظيم
مفيش بعد كلام ربنا كلام ولنا الله
لمن يعقل فقط
منشورات ذات صلة
اشترك في بريدنا الالكتروني لتتوصل باشعار فور نشر أخبار جديدة
0 الرد على "الهبيدة"
إرسال تعليق
ملحوظة: يمكن لأعضاء المدونة فقط إرسال تعليق.